Васил Шәйхразыев Абхазия Республикасында Татар мәдәни үзәге төзелә торган урынны карады
Скопировать ссылку
Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Абхазия Республикасында. Биредә ул Татар мәдәни үзәге төзелә торган урынны карады. Бу хакта Бөтендөнья татар конгрессы матбугат хезмәте хәбәр итте.
Гагра районында урнашкан Бзыбь авылы әлеге уникаль объект төзеләчәк урын итеп сайланган. Меценат Сания ханым үзәк төзү өчен җир биргән.
Бзыбь – табигый матурлыгы һәм тарихи традицияләре белән дан тоткан, Бзып елгасының уң ярында урнашкан матур авыл. Биредә Абхазиядә яшәүче татар җәмәгатьчелеген берләштерәчәк һәм мәдәни чаралар өчен үзәк булып хезмәт итәчәк пространство булдыру планлаштырыла.