Васил Шәйхразиев Якутиядә шагыйрь Муса Җәлил бюстына чәчәкләр куйды
Татарстан Премьер-министры урынбасары, Бөтендөнья татар конгрессы Милли шурасы рәисе Васил Шәйхразиев эш сәфәре белән Саха Республикасында (Якутия). Якутск шәһәрендә Советлар Союзы Герое, патриот-шагыйрь Муса Җәлил бюстына чәчәкләр кую булды. Бу хакта Бөтендөнья татар конгрессы хәбәр итә.
Һәйкәл 2023 елның 31 октябрендә тантаналы рәвештә ачылды. Чарада Татарстан Республикасы Премьер-министры урынбасары, Бөтендөнья татар конгрессы Милли шурасы рәисе Васил Шәйхразиев җитәкчелегендә Татарстан делегациясе катнашты.
Бюстның авторы – Санкт-Петербург татар дворяннар җыены, Россия рәссамнар берлегенең Санкт-Петербург бүлеге әгъзасы, Санкт-Петербург дәүләт кино һәм телевидение институтының компьютер графикасы һәм дизайн кафедрасы доценты, Татарстан Республикасы атказанган сәнгать эшлеклесе Винера Абдуллина.