Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Васил Шәйхразыев Самара тарихи мәчетендә булды
Татарстан Республикасы Премьер-министры урынбасары, Бөтендөнья татар конгрессының Милли шура рәисе Васил Шәйхразыев Самара өлкәсенә эш сәфәре кысаларында төбәк мөселманнарының мөһим рухи һәм мәдәни үзәкләреннән берсе булган Самара тарихи мәчетендә булды. Бу хакта Бөтендөнья татар конгрессының матбугат хезмәте хәбәр итә.
Сәфәр барышында кунаклар мәчет тарихы, аның архитектура үзенчәлекләре һәм бүгенге эшчәнлеге белән танышты. Самара тарихи мәчете 1891 елда Сембер сәүдәгәре һәм меценаты Тимербулат Акчурин акчасына төзелгән. Нигез салынганнан бирле ул Самара мөселманнарының дини һәм мәгърифәтчелек тормышы үзәгенә әверелә: мәчет каршында мәктәп, шулай ук булачак имамнар әзерли торган мәдрәсә эшли.
Мәчетнең тарихи йөзен торгызуда 1903 елда архитектор Смирнов тарафыннан башкарылган һәм бүгенге көнгә кадәр сакланган эскиз проектлары мөһим роль уйный. Масштаблы реконструкция вакытында мәчетнең нигезе ныгытылган, барлык инженерлык челтәрләре алыштырылган, вентиляция, янгын сүндерү системасы урнаштырылган, фасад һәм биналарның эчке бизәлеше буенча зур эшләр башкарылган. Объектның тарихи өлешенә терәп гөмбәзле ике катлы бина, 38 метрлы манара һәм өлкә башкаласы үзәге төзегәннәр. Мәчет меңгә якын кешене сыйдыра.
Кызыклы яңалыкларны күзәтеп бару өчен Телеграм-каналга язылыгыз