news_header_top_970_100
16+
news_header_bot_970_100

Васил Шәйхразиев Рәшит Ваһапов истәлегенә куелган мемориаль тактага чәчәкләр салды

Васил Шәйхразиев Рәшит Ваһапов истәлегенә куелган мемориаль тактага чәчәкләр салды
Фото: Бөтендөнья татар конгрессы

Бүген Түбән Новгородта Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев ТАССРның халык артисты Рәшит Ваһапов истәлегенә куелган мемориаль тактага чәчәкләр салды. Бу хакта Бөтендөнья татар конгрессы матбугат хезмәте хәбәр итә.

ТАССРның халык артисты Рәшит Ваһаповка багышланган мемориаль такта Түбән Новгородта 2023 елның 9 июлендә куелган. Ул Варварская урамы, 10/25 йортының фасадында урнаштырылган.

Варварская урамындагы бинада элек Түбән Новгород татар педагогика техникумы урнашкан булган, артист анда XX гасырның 20 нче елларында укыган.

Мемориаль тактаның авторы – яшь сынчы Фәнил Вәлиуллин, идея авторы – Татарстан Республикасының Рәшит Ваһапов исемендәге Татар мәдәнияте иҗтимагый фонды директоры, Казан Түбән Новгород татарлары җәмгыяте рәисе Рифат Фәттахов.

autoscroll_news_right_240_400_1
autoscroll_news_right_240_400_2
news_bot_970_100