Васил Шәйхразыев Әстерханда Габдулла Тукай һәйкәленә чәчәкләр салды

ТР Премьер-министр урынбасары Бөтендөнья татар конгрессы Милли Шура рәисе Васил Шәйхразыев Әстерханда Габдулла Тукай һәйкәленә чәчәкләр салды.
Чарада Бөтендөнья татар конгрессының Башкарма комитет җитәкчесе Данис Шакиров, ТР мәдәният министры урынбасары Дамир Натфуллин, Әстерхан өлкәсенең вице-губернаторы Павел Паутов, «Әстерхан диңгез порты» җәмгыяте генераль директоры Ринат Әюпов, Татарстаннан һәм башка төбәкләрдән килгән татар җәмәгатьчелеге, Әстерхан татарлары катнашты.
Бөтендөнья татар конгрессы җитәкчелеге һәм делегатлар 27 майда Әстерхан өлкәсе Три Протока авылында үтәчәк Бөтенроссия авыл Сабан туенда катнашачак.
- Бүген Татарстаннан бер төркем журналистлар, язучы, шагыйрьләр, рәссамнар һәм һөнәрчеләр Әстерханга килде.