Спорт 25 декабрь 2009 13:25

Ванкуверга барачак хоккейчылар исемлеге игълан ителде

Аның составында “Ак Барс”ның 3 уенчысы да бар

Скопировать ссылку

(Казан, 25 декабрь, “Татар-информ”). Бүген Россиянең хоккей буенча җыелма командасы тренерлар штабы Ванкувер Олимпиадасында ил данын яклаячак команданың 23 кешедән торган составын игълан итте. Исемлек Россия хоккей федерациясе сайтында урын алган. Аннан күренгәнчә, 14 уенчы НХЛ дан, калганнары КХЛ дан чакырыла. Бу әле ахыргача тәгаенләнгән состав түгел. Уенчылар травма ала калганда, Халыкара Олимпия комитеты кагыйдәләре буенча, аңа 15 февральгә кадәр үзгәрешләр кертеп булачак.

Хәзергә шунысы ачык: Ванкуверда Россия командасы капкасын НХЛ уенчылары саклаячак. Алар - Илья Брызгалов (“Финикс”), Семен Варламов (“Вашингтон”) һәм Евгений Набоков (“Сан-Хосе”). Исемлектәге 8 сакчы арасына “Ак Барс”тан Илья Никулин да кертелгән. Аннан тыш, ил данын яклау Антон Волченков (“Оттава”), Сергей Гончар (“Питтсбург”), Денис Гребешков (“Эдмонтон” ), Дмитрий Калинин (“Салават Юлаев”), Константин Корнеев (ЦСКА), Андрей Марков (“Монреаль”), Федор Тютинга (“Коламбус”) ышанып тапшырыла.

12 һөҗүмченең икесе шулай ук “Ак Барс”тан – Алексей Морозов белән Данис Зарипов. Калганнар – Максим Афиногенов, Илья Ковальчук (“Атланта”), Павел Дацюк (“Детройт”), Сергей Зиновьев, Виктор Козлов, Александр Радулов (“Салават Юлаев”), Евгений Малкин (“Питсбург”), Александр Овечкин, Александр Семин (“Вашингтон”) һәм Сергей Федоров (“Металлург”).

Сәхифәләр

Ванкуверга барачак хоккейчылар исемлеге игълан ителде