Җәмгыять 11 сентябрь 2014 21:16

Вандаллар тотылган, ә ата-аналары шуларның “әҗерен” түли

Минзәлә урманчылыгы ясатып куйган беседка корылмаларын “кулы кычытканнар” җимереп ташлаган

Скопировать ссылку

(Казан, 11 сентябрь, “Татар-информ”). Минзәлә шәһәреннән ерак түгел Урман чишмәсе юлына борылганда күпләрнең игътибарын җәлеп итеп торучы беседка бар.

Минзәлә урманчылыгы ясатып куйган аны. Биредә яңгырдан ышыкланыр өчен өйчек тә ясап куелган, агачтан өстәл-утыргычлар да бар, тирә-юне коймалар белән тотылган. Әле бу араларда аның коймаларын матур төсләргә буяп та куйганнар иде. Шунда урнаштырылган “Урманны янгыннан саклыйк!” дигән плакат ерактан ук күзгә ташлана. Шушы көннәрдә биредә вандаллар кулы уйнаган: беседкадагы корылмаларны җимереп ташлаганнар. Әмма аларны тиз эләктергәннәр. Мондый адым җәзасыз калмый, әлбәттә. Хәзер шушы яшүсмерләрнең кыланмышлары өчен ата-аналары җәфалана: җимерелгән корылмаларны алар төзәтергә мәҗбүр, дип белдерә Минзәлә җирле басмасы.

Сәхифәләр

Вандаллар тотылган, ә ата-аналары шуларның “әҗерен” түли