Валерий Фальков тулай торакны аз керемле студентларга гына бирергә тәкъдим итте
Тулай торакларда яшәү мөмкинлеген аз керемле яки авыр тормыш хәлендә булган студентларга гына бирергә кирәк. Бу хакта РФ Мәгариф һәм фән министрлыгы башлыгы Валерий Фальков Дәүләт Думасының фән һәм югары белем һәм контроль комитетларының киңәйтелгән уртак утырышында белдерде.
«Бу мәсьәләне хәл итәргә, тулай торакны аз керемле яки авыр тормыш хәлендә булган студентлар өчен генә калдырырга кирәк», - дип белдерде Россиянең фән һәм югары белем министры («РИА Новости» цитатасы).
Фальков сүзләренчә, тулай торакларда яшәү бәясе аларны тотуга чыгымнарга карата бөтенләй адекват түгел. Шулай итеп, алар социаль функция үти, дип аңлатты министр.
Димәк, студентлар өчен тулай тораклардан аермалы буларак, арзан бәяле булган тагын бер «торак статусы» кирәк, дип саный Мәгариф һәм фән министрлыгы башлыгы.