Хәвеф-хәтәр 8 ноябрь 2021 12:09

Вакцинация турында ялган QR-кодтан файдаланган өчен җинаять җаваплылыгы кертелә

Ялган сертификатны сатып алу, саклау яки аннан файдалану «Ялган документны белә торып сатып алу, саклау, илтү» маддәсе буенча квалификацияләнәчәк.

Скопировать ссылку

(Казан, 8 ноябрь, «Татар-информ», Павел Климчак). 22 октябрьдә РФ Сәламәтлек саклау министрлыгының боерыгы чыкты. Аның нигезендә, коронавирустан вакцинация турындагы сертификат рәсми документ санала. Әлеге боерык бүген, 8 ноябрьдән үз көченә керә. Шуңа бәйле рәвештә, вакцинация турында ялган сертификат күрсәтүчеләрне җинаять җаваплылыгы көтә.

ТР буенча эчке эшләр министры урынбасары Алексей Соколов «Татар-информ» агентлыгында узган матбугат конференциясендә шулай дип белдерде.

Ялган сертификатны сатып алу, саклау яки аннан файдалану «Ялган документны белә торып сатып алу, саклау, илтү» маддәсе буенча квалификацияләнәчәк. Әлеге маддә буенча иң зур җәза – бер елга кадәр иректән мәхрүм итү.

«Шул рәвешле, җәза чарасы көчәйтеләчәк һәм җинаятьчел гамәлләр исемлеге киңәйтеләчәк. Ялган документтан файдаланучы гражданнар гына түгел, ә документны охшатып ясаган, шулай ук аны сатып алган, саклаган һәм илтеп биргән затлар да җинаять җаваплылыгына тартылачак», - дип хәбәр итте Алексей Соколов.

Сәхифәләр

Вакцинация турында ялган QR-кодтан файдаланган өчен җинаять җаваплылыгы кертелә