Вакцинация эшен иң актив алып бара торган районнар исемлеге билгеле булды
Шулай да Республикада прививкалардан баш тарту саны әле дә зур, - ди Татарстанның баш дәүләт санитар табибы Марина Патяшина.
(Казан, 29 гыйнвар, “Татар-информ”, Айдар Әхмәдиев). Татарстанның баш дәүләт санитар табибы Марина Патяшина вакцинациядән баш тарткан кешеләр арасында прививка эшен иң актив алып баручы районнарны атап китте. Бу хакта ул бүген Роспотребнадзорның РТ буенча идарәсенең йомгаклау коллегиясендә сөйләде.
"Татарстанда вакцинациядән баш тарткан 58 мең кешенең 30 проценты прививка ясарга карар кылды. Баш тартучылар арасында вакцинация эшен иң актив алып бара торган районнар - Баулы, Сарман, Түбән Кама, Арча, Бөгелмә һәм Чистай районнары", - диде Марина Патяшина.
"Прививкалардан баш тарту Бөтендөнья сәламәтлек саклау оешмасы тарафыннан беренче тапкыр Кешелеккә глобаль янаулар исемлегенә кертелде. Вакцинациянең зыяны турында киң пропагандалау фонында вазгыятьне үзгәртү җиңел түгел. Бездә әле дә инфекцияләрдән сакланмаган кешеләр саны зур", - диде ул.