Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Вафин: Татарстанда инвалидларның уртача пенсия күләме 24 630 сум тәшкил итә
Сәламәтлек мөмкинлекләре чикләнгән Татарстан кешеләре иминләштерү һәм дәүләт пенсияләрен ала. Республика буенча инвалидларның уртача пенсия күләме 24 630 сум тәшкил итә. Бу хакта Инвалидлар декадасында «Татар-информ»га биргән интервьюсында ТР буенча Социаль Фонд бүлекчәсе идарәчесе Эдуард Вафин хәбәр итте.
«Бүгенге көндә беренче төркем инвалидлыгы булган өлкән кешеләрнең уртача пенсия күләме – 30 821 сум, икенче төркемнеке – 22 870 сум, өченче төркемнеке – 20 823 сум тәшкил итә. Шулай ук, инвалидлыкны балачактан алган кешеләр категориясе бар, аларның пенсия күләмнәре: беренче төркемдә – 19 380 сум, икенче төркемдә – 15 700 сум, өченче төркемдә – 9 092 сум», – дип сөйләде ул.
Иминләштерү пенсиясе кешенең иминләштерү стажы булса, хәтта ул минималь булса да, билгеләнә. Эш стажы бөтенләй булмаганнарга яки хәрби хезмәт, һәлакәтләр һәм башка шартлар белән бәйле инвалидлык алган кешеләргә дәүләт пенсиясе каралган. Әгәр стажы бөтенләй булмаса, социаль пенсия билгеләнә. Инвалидлык буенча пенсияләр гаризасыз тәртиптә билгеләнә.
«2026 елда иминләштерү пенсияләре бер тапкыр 7,6 процентка индексацияләнәчәк», – дип билгеләп үтте Вафин.
Кызыклы яңалыкларны күзәтеп бару өчен Телеграм-каналга язылыгыз