Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Быел ике айда Татарстанда каршы як полосага чыгу белән бәйле аварияләрдә 21 кеше үлгән
Татарстанда гыйнвар һәм февраль айларында каршы як полосага чыгу аркасында килеп чыккан юл-транспорт һәлакәтләрендә 21 кешенең гомере өзелгән, дип хәбәр иттеләр ТР Дәүләт автоинспекциясендә.
Бу вакыт эчендә барлыгы 45 шундый авария булган, 75 кеше төрле дәрәҗәдәге тән җәрәхәтләре алган. Мондый очраклар санын киметү өчен Татарстанда бүген «Каршы як полоса» профилактик акциясе башланды, аның барышында юл хәрәкәте кагыйдәләренең әлеге пунктын бозучыларны ачыклауга зур игътибар биреләчәк. Дәүләт автоинспекциясендә билгеләп үтүләренчә, беренче тапкыр каршы як полосага чыккан өчен 7,5 мең сум штраф яки ярты елга кадәр машина йөртү таныклыгыннан мәхрүм итү каралган. Кагыйдәне кабат бозган очракта машина йөртүчеләр бер елга «права»сыз калачак.
«Юлда куркыныч маневрлар ясамагыз, һава торышын һәм юл шартларын исәпкә алыгыз», - дип белдерделәр ТР Дәүләт автинспекциясендә.
Кызыклы яңалыкларны күзәтеп бару өчен Телеграм-каналга язылыгыз