Татарстанда Казан – Арча поезды яңадан йөри башлый
Скопировать ссылку
Татарстанда 1 июньдә Казан - Арча шәһәр яны поезды яңадан йөри башлый. Бу хакта «Содружество» компаниясе матбугат хезмәте хәбәр итә.
«1 июньнән 31 августка кадәр, 17, 18, 19 июньнән тыш, пассажирларга уңайлы булсын өчен 6434нче шәһәр яны поезды яңадан расписаниегә кертелә», – диелә хәбәрдә.
Казан станциясеннән электричка 13.48 сәгатьтә кузгалып китәчәк һәм 15.26 сәгатьтә Арчага килеп җитәчәк.