Татарстанда 60 меңгә якын күп балалы гаилә яши
Скопировать ссылку
Татарстан территориясендә хәзерге вакытта 59229 күп балалы гаилә исәпләнә, аларда 189244 бала тәрбияләнә. Бу хакта «Татар-информ» агентлыгына ТР Хезмәт, халыкны эш белән тәэмин итү һәм социаль яклау министрлыгы матбугат хезмәтендә хәбәр иттеләр.
Күп балалы гаиләләрнең күпчелеге өч балалы гаиләләргә туры килә – 50468. Татарстанда 6711 гаилә дүрт бала тәрбияли. 1537 гаиләдә - биш, 354 гаиләдә – алты, 110 гаиләдә җиде бала яши. 32 гаиләдә сигез бала тәрбияләнә.
Традицион гаилә кыйммәтләрен пропагандалау «Гаилә» илкүләм проекты максатларына туры килә.