Татарстанда яңгыр һәм +26 градуска кадәр җылы булуы көтелә
Скопировать ссылку
Татарстанда пәнҗешәмбе, 18 июньдә, аязучан болытлы һава торышы көтелә, урыны белән бераз яңгыр явачак. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Көндез кайбер районнарда яшенле яңгыр явуы ихтимал, боз да яварга мөмкин.
Көньяк-көнбатыштан секундына 5-10 метр тизлектә җил исә, урыны белән аның тизлеге - 14 метрга, көндез 15-20 метрга кадәр җитә.
Көндез һава температурасы +21..+26 градус тәшкил итәчәк.