2026 елда Татарстанда ясалма фәһем технологияләрен үстерүгә 1 миллиард сум юнәлдереләчәк
Скопировать ссылку
2026 елда Татарстан Республикасында ясалма фәһем технологияләрен үстерү буенча дәүләт программасын гамәлгә ашыруга 1 миллиард сум юнәлдереләчәк. Бу хакта республиканың Финанс министрлыгы хәбәр итә.
Акчалар икътисадның һәм дәүләт идарәсенең реаль секторына ясалма фәһем технологияләрен кертүне максат итеп куйган «2026-2030 елларга Татарстан Республикасында ясалма фәһем технологияләрен үстерү» программасы кысаларында каралган.
Татарстан Республикасы Дәүләт идарәсен цифрлы нигездә үстерү, мәгълүмати технологияләр һәм элемтә, Мәгариф һәм фән, шулай ук Җир һәм милек мөнәсәбәтләре министрлыгы программаның җаваплы башкаручылары итеп билгеләнгән.