Санкт-Петербургта ат абзарында чыккан янгында 18 ат һәлак булган

Скопировать ссылку

Санкт-Петербургта, ат абзарында янгын чыгып, 18 ат һәлак булган, дип хәбәр итә РИА Новости агентлыгы.

«Унсигез ат һәлак булды», – дип хәбәр итте Гадәттән тыш хәлләр министрлыгының шәһәр Баш идарәсендәге чыганак.

140 квадрат метр мәйданлы бер катлы бинада янгын чыккан. Янгынны 28 кеше һәм 7 берәмлек техника сүндергән.

Куркынычсызлык техникасын бозу маддәсе буенча кузгатылган җинаять эше суд каравына тапшырылган инде.