Казанның Яңа Савин районындагы кайбер йортлар бер тәүлеккә сусыз калачак
Казанның Яңа Савин районында 23 апрельдә 9:00 сәгатьтән 24 апрельдә 9:00 сәгатькә кадәр, Лаврентьев урамында объект суүткәргечен тоташтыру эшләре башкарылуга бәйле рәвештә, су бирү туктатылачак. Бу хакта «Водоканал» муниципаль унитар предприятиесендә хәбәр иттеләр.
Бу түбәндәге адреслар буенча урнашкан йортларга кагыла:
- Адоратский урамы, 21Б, 21в;
- Академик Лаврентьев урамы, 1а, 1/1, 3, 3 корп.1,2; 3а, 3а корп.1,2,3,4,5; 3Б, 10а;
– Фатих Әмирхан урамы, 12А, 12Б, 12.
Ике күп фатирлы йорт һәм 4 административ бина сусыз калачак.
Халыкны су белән тәэмин итү өчен автоцистерналар оештырыла. Су китерү буенча гаризалар авария-диспетчерлык хезмәтенең 231-62-60 телефоны буенча кабул ителә.