news_header_top
16+
news_header_bot
news_top

Краснодарда Украина Кораллы көчләре һөҗүме нәтиҗәсендә бер кеше һәлак булган

Төнлә Краснодар Украина пилотсыз очкычлары һөҗүменә дучар булды. Нәтиҗәдә, бер кеше һәлак булган. Төбәк башлыгы һәлак булучының туганнары һәм якыннарының кайгысын уртаклашты.

«Краснодарда пилотсыз очкычлар һөҗүме нәтиҗәсендә бер кешенең гомере өзелде. Һәлак булучының туганнарының олы кайгысын уртаклашам», - дип язган губернатор Вениамин Кондратьев Телеграм-каналында.

Аның сүзләренчә, Украина пилотсыз очкычлары край үзәгендәге күп фатирлы торак йортларга һөҗүм иткән. Барлыгы өч йорт зыян күргән. Аларның берсендә янгын чыккан, аны оператив рәвештә сүндергәннәр.

РФ Саклану министрлыгы мәгълүматлары буенча, төн эчендә һава һөҗүменнән саклану системасы Россия төбәкләрендә Украинаның 85 пилотсыз очкычын бәреп төшергән.

news_right_1
news_right_2
news_bot