news_header_top
16+
news_header_bot
news_top

В.Путин Р.Миңнехановка котлау телеграммасын юллады

Сезнең тырышлыгыгыз ТРның бай потенциалын гамәлгә ашырырга, халыкның яшәү дәрәҗәсен күтәрергә ярдәм итәчәгенә ышанам, диелә котлауда

(Казан, 25 март, “Татар-информ”, Айгөл Фәхретдинова). РФ Хөкүмәте рәисе Владимир Путин ТР яңа Президенты Рөстәм Миңнеханов исеменә вазифага керешүе уңаеннан котлау телеграммасы юллады. Аны инаугурация тантанасында ТР парламенты рәисе Фәрит Мөхәммәтшин укып ирештерде.

“Хөрмәтле Рөстәм Нургали улы! Сезне ТР Президенты вазифасына керешүегез белән котлыйм. Сезне югары һөнәри осталыкка ия булган компетентлы җитәкче буларак беләләр һәм бәялиләр. Сез күп тапкырлар катлаулы бурычларны хәл итәргә сәләтле булуыгызны эшегез белән исбатладыгыз. Республика башлыгы вазифасында Сезнең тырышлыгыгыз Татарстанның бай потенциалын гамәлгә ашырырга, социаль өлкәне камилләштерергә, халыкның яшәү дәрәҗәсен күтәрергә ярдәм итәчәгенә ышанам. Татарстан һәм Россия халкы мәнфәгатьләренә хезмәтегездә уңышлар телим, диелгән юллар бар РФ Премьер-министрының котлау телеграммасында.

news_right_1
news_right_2
news_bot