Казанның Киров районы бистәләрендә йорт хайваннарына бушлай вакцинация ясыйлар
Скопировать ссылку
Казанның Киров районында бүген йорт хайваннарына котыру авыруына каршы күчмә бушлай вакцинация оештыралар. Бу хакта шәһәр мэриясенең матбугат үзәгендә хәбәр иттеләр.
Мобиль пунктлар районның ике бистәсендә эшләячәк. Калинин бистәсендә 10:00-12:00 сәгатьләрдә Равнинная урамы, 53 адресы буенча этләргә һәм мәчеләргә прививка ясатырга мөмкин. Красная Горка бистәсендә йорт хайваннарын 14:00-16:00 сәгатьләрдә Лунная урамы, 16 йорт адресы буенча кабул итәләр.
Вакцинациядән тыш, эт һәм мәчеләрне шунда ук чиплаштырырга һәм теркәргә дә мөмкин булачак.