Кышның беренче көнендә Татарстанда янә томан төшүе көтелә
Скопировать ссылку
Иртәгә, 1 декабрьдә, Татарстанда тагын һава шартлары начарлана. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Республикада һәм Казанда төнлә дә, көндез дә томан төшүе көтелә.
Моннан тыш, төнге һәм иртәнге сәгатьләрдә төбәк юлларында бозлавык барлыкка киләчәк.
Элегрәк ТР Гидрометеорология һәм әйләнә-тирә мохитне күзәтү идарәсе республика территориясендә аномаль җылы декада турында хәбәр иткән иде. Синоптик Александр Шувалов бәяләвенчә, кар декабрьнең икенче декадасында гына явачак.