Казанның Җиңү паркында концлагерь тоткыннары истәлегенә чәчәкләр салдылар
Скопировать ссылку
Казанның Җиңү паркында Халыкара фашист концлагерьлары тоткыннарын азат итү көненә багышланган чәчәкләр салу тантанасы булды.
Һәлак булганнарны искә алырга бөтен республикадан концлагерьларның элеккеге тоткыннары җыелды. Алар Җиңү паркында очрашты һәм Мәңгелек утка чәчәкләр салды.
Тантанада шулай ук Россия Герое Рәсим Баксиков та катнашты. Чараны оештыруда «Сугышчан Туганлык Волонтерлар Ротасы» волонтерлары ярдәм итте.