Казанның Горький паркында күзәтү мәйданчыгы ачылды
Скопировать ссылку
Казанның Горький паркында яңа күзәтү мәйданчыгы барлыкка килде. Бу хакта шәһәрнең Тышкы төзекләндерү комитеты хәбәр итә.
Мәйданчык территориясендә мең квадрат метрдан артык плитә җәелгән, күрсәткечләр һәм эскәмияләр урнаштырылган. Элегрәк аның янында Николай Ершов һәм Подлужная урамнары арасында паркны яр буе белән тоташтыра торган баскыч төзекләндерелгән иде.
Конструкциянең мәйданы 154 квадрат метрга җитә. Кичен мәйданчыкны җиде биек фонарь һәм 14 зур лампа яктырта.
Киңлек «Тормыш өчен инфраструктура» илкүләм проектының «Уңайлы шәһәр мохитен формалаштыру» федераль программасы буенча төзекләндерелгән.