Нурлатта 16 яшьлек мотоциклчы җиңел машина белән бәрелешкән
Скопировать ссылку
Фото: «Юл хәрәкәте иминлеге» дәүләт бюджет учреждениесе матбугат хезмәте
Нурлатта 16 яшьлек мотоциклчы җиңел автомобиль белән бәрелешкән һәм төрле тән җәрәхәтләре алган.
«Юл хәрәкәте иминлеге» дәүләт бюджет учреждениесе матбугат хезмәте хәбәр иткәнчә, 16 яшьлек үсмер йөртү таныклыгы булмаган килеш мотоциклга утырган һәм үзе белән иптәшен дә алган. Кайсыдыр мизгелдә ул, идарәсен югалтып, җиңел машинага килеп бәрелгән.
Төрле тән җәрәхәтләре алган үсмерне Казанга хастаханәгә озатканнар. Ә пассажиры җиңелчә җәрәхәтләр белән котылган.