Түбән Кама районында кыргый киндер үскән урыннар табылган
Скопировать ссылку
Татарстанның Түбән Кама районында «Мәк-2026» операциясе вакытында кыргый киндер үскән урыннар табылган, дип хәбәр иттеләр ТР буенча Эчке эшләр министрлыгында.
«Мондый урыннар Балчыклы, Шәңгәлче, Олы Аты, шулай ук Югары Чаллы һәм Ялантау авыллары янында табылды. Аларның гомуми мәйданы 1 300 квадрат метрдан артып китә», - дип белдерделәр ведомствода.
Тыелган үсемлек табылган җир хуҗаларына мондый чыганакларны юкка чыгару кирәклеге турында кисәтү ясалачак.