Атна башында Татарстанда -33 градуска җиткән салкыннар көтелә
Скопировать ссылку
Иртәгә, 26 гыйнварда, Татарстанда аномаль салкын һава торышы саклана. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Дүшәмбенең төнге һәм иртәнге сәгатьләрендә республикада һава температурасының урыны белән -25..-29 градуска, ә аязганда -33 градуска кадәр төшүе көтелә.
Казанда төнлә -25-27 градус, аязганда -30 градус булыр дип фаразлана.