Мәскәүдә Татарстан мәдәнияте көннәре узачак
Скопировать ссылку
22 августта Мәскәүдә Татарстан мәдәнияте көннәре узачак. Бу хакта ТР Мәдәният министрлыгы матбугат хезмәте хәбәр итә.
Шуны да билгеләп үтәргә кирәк, Татарстан Республикасы – Мәскәүдә ел саен үз төбәге көннәрен үткәрә торган бердәнбер субъект.
Татарстан мәдәнияте көннәре кысаларында Мәскәүдә бөек татар шагыйре Габдулла Тукай һәм Советлар Союзы Герое Муса Җәлил һәйкәлләренә чәчәкләр салу тантанасы, Татарстан Республикасы мәдәният эшлеклеләре белән иҗади очрашулар узачак. Татарстан мәдәнияте көннәре Мәскәүдә Татарстан Республикасы сәнгать осталарының концерт программасы белән тәмамланачак.