Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Лисичанскида пилотсыз очкыч су ташу машинасына һөҗүм иткән
Украина Кораллы көчләре Луганск Халык Республикасының Татарстан шефлыкка алган Лисичанск шәһәрендә су ташу машинасына һөҗүм иткән, ике кеше яраланган. Бу хакта Луганск Халык Республикасы башлыгы Леонид Пасечник Телеграм-каналында хәбәр итте.
«33 һәм 44 яшьлек ир-атлар төрле тән җәрәхәтләре алды»,-дип ачыклык кертте төбәк җитәкчесе.
Моннан тыш, Пасечник сүзләренчә, Белокуракино муниципаль округында пилотсыз очкыч «ГАЗель» йөк автомобиленә һөҗүм иткән. Нәтиҗәдә, йөк машинасының йөртүчесе, Ростов-Дон кешесе алган җәрәхәтләрдән һәлак булган.
Сватово округында күп фатирлы йортка һөҗүм нәтиҗәсендә 66 яшьлек хатын-кыз зыян күргән, ә Новопсковск округында пилотсыз очкыч юлда җиңел автомобильгә һөҗүм иткән, аның 42 яшьлек йөртүчесе яраланган.
«Барлык зыян күрүчеләргә вакытында медицина ярдәме күрсәтелде, алар табиблар күзәтүендә. Бер тәүлек эчендә пилотсыз очкычлар республиканың 16 муниципалитетына һөҗүм итте. Гражданлык, коммуналь һәм коммерция инфраструктурасы зыян күрде», - дип өстәде Луганск Халык Республикасы башлыгы.
Яңалыкларны күзәтеп бару өчен Макс-каналга язылыгыз