Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан урманнарында быел 225 ял зонасы тәртипкә китерелгән
Татарстанда быел урманнарга ял итәргә килгән гражданнар өчен 225 урын төзекләндерелгән. Бу хакта ТР Урман хуҗалыгы министрлыгының урман фондын саклау һәм яклау секторы мөдире Әнәс Сөнгатуллин хәбәр итте.
«Урманда гражданнар ял итә торган зоналарны тәртипкә китерү урманнарны янгынга каршы төзекләндерү чаралары комплексына керә. Мондый мәйданчыкларның булуы рәсми булмаган ял итү урыннары барлыкка килү һәм янгын чыгу ихтималын сизелерлек киметергә ярдәм итә», - дип белдерде Әнәс Сөнгатуллин.
«Параллель рәвештә халык арасында агитация-аңлату эшләре дә алып барыла. Шулар арасында янгынга каршы тематикага багышланган баннерлар, аншлаглар һәм мәгълүмати такталар урнаштыруны, басма материаллар – листовкалар һәм буклетлар таратуны, шулай ук агарту акцияләрен оештыруны әйтеп үтәргә мөмкин», – дип өстәде ул.
Урман фонды җирләрендә урман янгыннары мәйданының кимүе «Татарстан Республикасында урманнарны саклау» төбәк проектының (ул «Экологик иминлек» илкүләм проектының «Урманнарны саклау» федераль проектына керә) максатчан күрсәткечләреннән берсе булып тора.
Кызыклы яңалыкларны күзәтеп бару өчен Телеграм-каналга язылыгыз