Лениногорск районында кыргый киндер үскән урыннар ачыкланган
Скопировать ссылку
Татарстанның Лениногорск районында кыргый киндер үскән урыннар ачыкланган.
ТР буенча Эчке эшләр министрлыгы хәбәр иткәнчә, составында наркотик булган үсемлек «Мәк‑2026» профилактик операциясе вакытында табылган. Территорияләрне һәм торак корылмалар янындагы бушлыкларны тикшергәндә полиция хезмәткәрләре 70-172 сантиметр биеклектәге 15 куак тапкан.
Хәзерге вакытта хокук саклаучылар әлеге үсемлекләр табылган участокның хуҗасын ачыклый.