Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
КФУда татар телен бушлай өйрәнү курслары башланды
Казан федераль университетының Филология һәм мәдәниятара багланышлар институтында татар телен өйрәнергә теләүчеләр өчен оештыру җыелышы узды. Бу хакта дәресләрне оештыручылар хәбәр итә.
Бушлай курслар ТР дәүләт программасын гамәлгә ашыру кысаларында 2019 елдан башлап ел саен үткәрелә. Бу вакыт эчендә 10 меңнән артык тыңлаучы татар телен өйрәнгән. Белем бирү программасы, телне белү дәрәҗәсенә карап, дүрт баскычка бүленгән.
«Безнең югары мәктәпнең төп миссиясе – төрле телләрне һәм мәдәниятләрне, шул исәптән татар телен саклау һәм өйрәнү. Бүген безнең белән шөгыльләнергә теләүчеләрнең бик күп булуына шатмын», – дип билгеләп үтте КФУның Филология һәм мәдәниятара багланышлар институты Габдулла Тукай исемендәге Милли мәдәният һәм мәгариф югары мәктәбе деканы Рамил Мирзаһитов.
Габдулла Тукай исемендәге Милли мәдәният һәм мәгариф югары мәктәбенең гомуми тел белеме һәм тюркология кафедрасы доценты Кадрия Фәтхуллова дәресләрнең ничек оештырылачагы, шулай ук «Ана Теле» курслары турында сөйләде. Бу – татар телен өйрәнү буенча бушлай онлайн-курс, ул тугыз этапны берләштерә. Курсларда теләгән һәркем шөгыльләнә ала.
Дәресләрне КФУның Филология һәм мәдәниятара коммуникацияләр институтының «Дулкын» Һөнәри үсеш үзәге оештыра һәм башкара. Дәресләр Филология һәм мәдәниятара коммуникацияләр институты аудиторияләрендә уза, аларны тәҗрибәле педагоглар алып бара. Программа 4 декабрьгә кадәр исәпләнгән, ул теоретик һәм практик дәресләрне, шулай ук тестларны үз эченә ала. Курсларны тәмамланганнан соң, тыңлаучыларга телне белү дәрәҗәсен раслый торган сертификат тапшырыла.
Яңалыкларны күзәтеп бару өчен Макс-каналга язылыгыз