Казанда бер тәүлектә айлык норманың өчтән бер өлеше күләмендә явым-төшем күзәтелгән
Соңгы тәүлектә Татарстан башкаласында айлык норманың өчтән бер өлеше күләмендә явым-төшем күзәтелгән, ә бер ай эчендә шәһәрдә айлык норманың 145 проценты күләмендә кар яуган. Узган төн яуган кар күләме буенча иң интенсив булды, дип хәбәр итә Казан мэриясенең матбугат хезмәте.
ТР башкаласы хакимиятендә шәһәр хезмәтләренең төнлә көчәйтелгән режимда эшләвен әйттеләр: 500 берәмлектән артык техника һәм 600гә якын юл эшчесе юлларны кардан арындырган. Көндез 400гә якын машина эшләячәк.
Эшләр туктаусыз дәвам итсә дә, буран аркасында «юлларны бер үк вакытта кардан чистарту һәм төяп алып китү мөмкин түгел», - дип өстәделәр мэриянең матбугат хезмәтендә.
Шәһәр хакимияте Казан халкына сәфәрләрне мөмкин булганча киметергә, юлларда игътибарлырак булырга һәм ашыгыч хезмәтләрнең киңәшләрен исәпкә алырга киңәш итте.