Казанның Максим Горький урамында хәрәкәт вакытлыча чикләнә
Скопировать ссылку
Казанда җылылык челтәрләре участогында капиталь ремонт үткәрелү сәбәпле, Максим Горький урамында транспорт һәм җәяүлеләр хәрәкәте вакытлыча чикләнәчәк. Бу хакта шәһәр мэриясенең матбугат үзәге хәбәр итә.
11-15 сентябрьдә 3нче йорт янында юлның машиналар йөри торган өлешендә хәрәкәт вакытлыча чикләнә. Җәяүлеләр өчен участок тулысынча ябык булачак.
Моннан тыш, 11 сентябрьдә 23:00 сәгатьтән 12 сентябрьдә 05:00 сәгатькә кадәр Максим Горький урамында 3нче һәм 6нчы йортлар янында транспорт хәрәкәте тулысынча ябылачак.