Казанда бөкене каршы як полосадан әйләнеп узган машина йөртүчене җәзага тарттылар
Скопировать ссылку
Казанда бөкене каршы як полосадан урап узган «Лада Приора» йөртүчесен җәзага тарттылар. Бу хакта шәһәр Дәүләт автоинспекциясе хәбәр итте.
Хокук саклау органнары мәгълүматлары буенча, юл хәрәкәте кагыйдәләрен тупас бозу очрагы 8 август иртәсендә Минск урамындагы 18нче йорт янында теркәлгән. Әлеге мизгел видеога эләккән.
Машина йөртүчегә карата тиешле административ беркетмәләр төзелгән. Кагыйдә бозучының автомобилен штрафстоянкага озатканнар.