Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда әнисенең машинасында полициядән качарга тырышкан үсмер тоткарланган
Казанда әнисенең машинасын сорамыйча алып киткән үсмерне полициядән качарга тырышканда тоткарлаганнар.
ТР буенча Эчке эшләр министрлыгында белдерүләренчә, 14 яшьлек үсмер, машина йөртү таныклыгы булмый торып, әнисенең Kia Rio автомобиле ачкычын алган. Өстәвенә, 13 яшьлек сеңлесе белән 3 яшьлек энесен дә машинага утырткан. Кайсыдыр мизгелдә аны юл-патруль хезмәте инспекторлары күреп алган һәм туктарга кушкан, әмма үсмер аларның боерыгын игътибарсыз калдырган.
Инспекторлар аның артыннан куа киткән. Үсмер тизлеген тагын да арттырган, каршы як полосага һәм светофорның кызыл утына чыккан. Аны Межлаук урамында туктата алганнар.
Яшүсмернең әти-әнисенә 5 беркетмә төзелгән, шулай ук тиешле тәрбия бирмәгән өчен штраф салганнар, ә машинаны штрафстоянкага озатканнар.
Яңалыкларны күзәтеп бару өчен Макс-каналга язылыгыз