Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда ветераннар арасында Салих Япеев истәлегенә Бөтенроссия волейбол турниры ачылды
Казанның «Динамо» спорт комплексында генерал Салих Япеев истәлегенә ветераннар арасында XXI Бөтенроссия волейбол турниры ачылды.
Татарстан башкаласында «Динамо» җәмгыяте спорт мәйданчыкларында ТАССР эчке эшләр министры, милиция генерал-лейтенанты Салих Япеев истәлегенә хокук саклау органнары ветераннары арасында XXI Бөтенроссия волейбол турниры башланды. Ярышлар традицион рәвештә илнең төрле төбәкләреннән ведомство командаларын берләштерде. Быел беренче тапкыр Екатеринбургтан һәм Свердловск өлкәсеннән «Динамо» вәкилләре дә килде.
Зур ярышларның тарихы ТР «Динамо» физкультура-спорт җәмгыяте рәисе, Татарстан Республикасы Рәисе Администрациясе җитәкчесе Әсгать Сәфәров инициативасы белән 2007 елдан башлана.
«Динамо» җәмгыяте рәисе урынбасары Салават Гайсин искәрткәнчә, турнирның масштабы статусларны ясалма рәвештә көчләп такмыйча, табигый юл белән үскән.
Быелгы ярышларда илнең иң төрле почмакларыннан – Калуга, Ульяновск, Самара, Киров, Свердловск өлкәләре, Марий Эл, Чувашия, Башкортстан, Удмуртия һәм Таҗикстан республикаларыннан 12 команда, шулай ук Россия Федераль җәзаларны үтәтү хезмәтенең «Динамо» коллективы катнаша.
Башлангыч этапта коллективлар Казанның «Динамо» залларында һәм Тынычлык бистәсендәге Спорт үзәгендә финалистларны билгеләячәк. Мактаулы трофей хуҗасы хәлиткеч матчлардан һәм ябылу тантанасыннан соң 20 ноябрьдә билгеле булачак.
Яңалыкларны күзәтеп бару өчен Макс-каналга язылыгыз