Казанда ял көннәрендә 47нче автобус маршруты вакытлыча үзгәрә
Скопировать ссылку
Фото: Казан шәһәре Башкарма комитетының Транспорт комитеты
Алдагы ялларда Татарстан башкаласында 47нче автобус маршрутының хәрәкәт схемасы вакытлыча үзгәрәчәк. Бу хакта Казанның Транспорт комитеты матбугат хезмәте хәбәр итә.
Вакытлыча уңайсызлыкларның сәбәбе - Батыршин урамындагы 16, 18 һәм 20нче йортлар тирәсендә транспорт хәрәкәтен чикләү.
47нче маршрут буенча йөрүче автобуслар Коләхмәтов һәм Батыршин урамнары чатында борылачак, шуннан соң «Батыршин урамы» тукталышына кермичә генә хәрәкәтен дәвам итәчәк.
Хәрәкәтнең үзгәртелгән схемасы 11 июльдә 8.00 сәгатьтән 12 июльдә 18.00 сәгатькә кадәр актуаль булачак.