Казанда «КазанФорум» икътисади форумын уздыру вакытында алкоголь сату чикләнә
Скопировать ссылку
Татарстан башкаласында «Россия – Ислам дөньясы: КазанФорум» XVII халыкара икътисади форумы барган көннәрдә алкоголь продукциясен ваклап сатуга чикләүләр кертеләчәк. Шул хактагы карарны республика Министрлар Кабинеты кабул итте, документны ТР Премьер-министры Алексей Песошин имзалады.
Карар нигезендә, 12-17 майда форум чаралары үтә торган территорияләрдә алкогольне ваклап сату тыела. Алкоголь продукциясен сату хезмәт күрсәтү кысаларында саклана торган җәмәгать туклануы предприятиеләре өчен искәрмә ясалды.