Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда сүндерелмәгән тәмәке төпчеге аркасында чыккан янгында ике кешене коткарганнар
Казанда чыккан янгында ике кешене коткарганнар.
Россия Гадәттән тыш хәлләр министрлыгының ТР буенча Баш идарәсе матбугат хезмәтендә «Татар-информ» агентлыгына хәбәр итүләренчә, сүндерелмәгән тәмәке аркасында Фрунзе урамындагы йортта мебель һәм әйберләргә ут капкан. Янгын сүндерүчеләр килгәнче бинадан 20 кеше мөстәкыйль рәвештә эвакуациялән.
Урынга килгән ут белән көрәшүчеләр янгынның мәйданы 8 квадрат метр тәшкил итүен, шулай ук янгын чыккан фатирда ике кеше калуын ачыклаган. Яну продуктлары белән агуланган хатын-кызны, махсус битлек ярдәмендә урамга алып чыгып, хастаханәгә озатканнар. Тәне беренче һәм икенче дәрәҗәдә пешкән 24 яшьлек егетне дә хастаханәгә алып киткәннәр.
Гадәттән тыш хәлләр министрлыгында искәртүләренчә, электр приборларын караучысыз калдырмаска, махсус җиһазландырылган урыннарда гына тәмәке тартырга, шулай ук балаларга ут белән уйнауның куркыныч булуын аңлатырга кирәк.
Кызыклы яңалыкларны күзәтеп бару өчен Телеграм-каналга язылыгыз