Казанда «Кыш бабайның тылсымлы трамвае» линиягә чыга
Фото: © Казанның Мәдәният идарәсе матбугат хезмәте
Бүген Татарстан башкаласында 7нче номерлы «Кыш бабайның тылсымлы трамвае» трамвай маршруты линиягә чыга. Бу хакта Казанның Мәдәният идарәсе матбугат хезмәте хәбәр итә.
Яңа ел трамвае көн саен 6 гыйнварга кадәр 16-17 сәгатьләрдә йөриячәк. Пассажирларны Кыш бабай һәм Кар кызы белән очрашу, истәлеккә фотога төшү һәм караоке-баттл көтә, дип искәрттеләр идарәдә.
Яңа ел стилендә бизәлгән трамвай вагоны 7нче маршрут буенча барлык тукталышларда да тукталачак.
«Тылсымлы трамвай»ның маршруты:
- «Тимер юл вокзалы»;
- «Серов урамы»;
- «Фатих Әмирхан проспекты»;
- «Ветеринария академиясе»;
- «Академик Арбузов урамы»;
- «Академик Сахаров урамы»;
- «Җиңү проспекты»;
- «Кояшлы шәһәр» торак массивы»;
- «Глазунов урамы» (кире кайту юлының башы).