Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Дәүләт Думасында фатирда асрарга мөмкин булган этләр һәм мәчеләр санын чикләргә телиләр
Дәүләт Думасына торак биналарда асрарга мөмкин булган йорт хайваннары санына норматив билгели торган закон проекты тапшырылачак. Закон проектының инициаторы - Дәүләт Думасының гаиләне яклау, ата, ана һәм балалар мәсьәләләре комитеты әгъзасы Евгений Марченко. Бу хакта ТАСС агентлыгы хәбәр итә.
Документ нигезендә, «Хайваннарга карата җаваплы мөнәсәбәт һәм Россия Федерациясенең аерым закон актларына үзгәрешләр кертү турында»гы законга үзгәрешләр кертергә тәкъдим ителә. Проектта билгеләнгәнчә, торакның һәр 18 квадрат метрына бердән артык эт һәм бердән күбрәк мәче туры килергә тиеш түгел.
Алар балалаган очракта гына (көчекләр яки песи балалары алты айга җиткәнче) әлеге лимитны вакытлыча арттырырга рөхсәт ителә.
Аңлатма язуында билгеләп үтелгәнчә, хәзер гамәлдә булган законнар фатирларда йорт хайваннары санына лимит билгеләми. Инициатива авторлары сүзләренчә, кайбер кешеләр үз фатирларында 15-20 хайван асрый, ә бу еш кына антисанитариягә һәм санитар-эпидемиологик нормаларны бозуга китерә.
Кызыклы яңалыкларны күзәтеп бару өчен Телеграм-каналга язылыгыз