Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Думада балалар белән өйдә утыручы аналарга «хезмәт хакы» түләргә тәкъдим иттеләр
«Гадел Россия» партиясе балаларны тәрбияләү белән шөгыльләнүче эшләмәүче ата-аналарга айлык түләү кертергә тәкъдим итә. Партия лидеры Сергей Миронов «Яшь әниләр форумында» РИА Новости агентлыгына шул хакта хәбәр итте.
Миронов сүзләренчә, инициатива җан башына уртача кереме төбәктәге өч яшәү минимумыннан артмаган гаиләләрдә ата-аналарның берсенә яшәү минимумы күләмендә акча түләүне күздә тота. Шул ук вакытта «ата-аналар хезмәт хакы» башка пособиеләрне һәм ташламаларны алыштырмаска тиеш.
Парламентарий аңлатканча, мондый чара гаилә фәкыйрьлеге проблемасын хәл итәргә мөмкинлек бирәчәк һәм туучылар санын арттыру өчен этәргеч булачак. Ул билгеләп үткәнчә, булачак һәм яшь әниләр, эшли алмасалар да, дәүләтнең ярдәм итәчәгенә ышанырга тиеш.
Миронов әйтүенчә, шундый ук тәкъдим берничә ел элек Хөкүмәткә җибәрелгән булган инде. Туучылар саны кимү сәбәпле, закон проектын кабат кертергә карар кылганнар.
Кызыклы яңалыкларны күзәтеп бару өчен Телеграм-каналга язылыгыз