«Батыр» үзәгендә Африка корпусына нинди белгечләр кирәк булуы турында сөйләделәр
«Батыр» үзәгенең Африка корпусына сайлап алу буенча махсуслашкан бүлегендә кандидатлар арасында кайсы белгечлекләргә бүгенге көндә аеруча зур ихтыяҗ булуы турында сөйләделәр. Бу хакта Африка корпусы вәкиле (хәрби кушаматы – Реша) хәбәр итте.
«Тел белгечләре, тәҗрибәсе булган элеккеге хәрбиләр, механик-машина йөртүчеләр, радиоэлектроника белгечләре һәм аш пешерүчеләр таләп ителә. Төп таләп – яхшы сәламәтлек һәм икенче гражданлык булмау. Шулай ук кандидат 18-45 яшьтә булырга, ә команда составы өчен 55 яшьтән узмаска тиеш», – диде Реша.
Әгәр кандидатның хәрби тәҗрибәсе булмаса, ләкин яхшы белгеч икән, ул да Африка корпусында хезмәт итә ала. Сайлап алу Казандагы Себер тракты, 20 йорт адресы буенча урнашкан пунктта үткәрелә, рекрутерлар һәр кандидатка шәхсән якын килә, шулай ук аларның хәрби хезмәт буенча теләкләрен исәпкә ала.
«Бу – җитди хәрби мәктәп. Без универсаль солдат әзерлибез, ул күп белергә тиеш һәм тар юнәлеш буенча түгел, ә киң профиль буенча укыячак. Армия хезмәтенә чакырылучылар да хәрби хезмәтне контракт буенча хезмәт итүгә алыштыра ала», – дип өстәде Реша.
Татарстан Республикасында РФ Саклану министрлыгы белән контракт төзү, өстәмә премияләр, ташламалар һәм түләүләр турында heroes-tatarstan.ru сайтында белергә мөмкин. Шулай ук Казандагы Контракт буенча хәрби хезмәткә сайлап алу пунктына (1нче разряд) мөрәҗәгать итәргә була. Адресы: Аэропорт урамы, 1/40; тел. (843) 221 44 52. Моннан тыш, «Батыр» үзәгенә мөрәҗәгать итәргә мөмкин, тел: 7 800 222 59 00. Башка төбәкләрдә яшәүчеләргә 8 800 222 59 00 телефоны буенча яки колл-үзәкнең 117 төбәкара номерына шалтыратырга кирәк.