Казанда Яңа Савин һәм Мәскәү районнарының бер өлешендә су бирү вакытлыча туктатылды
Скопировать ссылку
Казанның Яңа Савин һәм Мәскәү районнарында Ямашев проспектындагы 28нче йорт янында суүткәргеч челтәрләрендә ремонт эшләре башкару сәбәпле су бирү вакытлыча туктатылды. Бу хакта Казан Су каналының Телеграм-каналында хәбәр иттеләр.
Ибраһимов проспектындагы 61, 61А, 63, 63А, 65, 65А, 67, 69, 71, 71А, 73, 75, 77, 79, 81, 81а, 83, 83А, шулай ук Ямашев проспектындагы 9, 11, 15, 17, 21, 23, 25 һәм 27нче йортлар сусыз калды.
Әлеге йортларда бүген 22.00 сәгатькә кадәр су булмаячак.
Суны автоцистерналар белән китерәчәкләр. Заявкалар авария-диспетчерлык хезмәтенең 231-62-60 телефоны буенча кабул ителә.