Татарстанның Бөгелмә районында давыл торак йортларны җимергән
Скопировать ссылку
Татарстанның Бөгелмә районы Татар Димскәе авылында давыл торак йортларны җимергән. Бу хакта «Бөгелмә Информ» хәбәр итә.
Элегрәк хәбәр ителгәнчә, бүген Татарстанның кайбер районнарында көчле яңгыр яуды һәм давыл котырды. Гадәттән тыш хәлләр министрлыгы хезмәткәрләре шуның нәтиҗәләрен бетерә. Әйтик, республиканың төрле районнарында 23 агач ауган, Апаста берничә юлны, шулай ук 9 участокны һәм 2 йортны су баскан, Кама Тамагы районында Юрьев мәгарәсен өлешчә су баскан, 10 кеше өскә чыгып котылган.
18:00 сәгатькә зыян күрүчеләр теркәлмәгән.