Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
«Түбән Кама Нефтехим»дагы янгында зыян күргән 12 кеше хастаханәдә дәвалануын дәвам итә
«Түбән Кама Нефтехим»дагы янгында зыян күргән 12 кеше хастаханәдә табиблар күзәтүе астында кала. Бу хакта «Татар-информ» агентлыгына ТР Сәламәтлек саклау министрлыгы матбугат хезмәтендә хәбәр иттеләр.
«Бүгенге көндә 9 кеше Түбән Кама үзәк күп профильле район хастаханәсендә дәвалана, табиблар аларның хәлен канәгатьләнерлек дип бәяли», - дип аңлаттылар ведомствода.
Тагын 3 пациент - Республика клиник хастаханәсендә. Аларның берсе реанимациядә ята, икесен бүлеккә күчергәннәр.
Искәртеп үтәбез, 31 мартта «Түбән Кама Нефтехим»да янгын чыкты. Соңгы мәгълүматларга караганда, 3 кеше һәлак булган, 71 кеше зыян күргән. Моннан тыш, тагын 9 кеше хәбәрсез югалган дип санала - алар әлегә кадәр элемтәгә чыкмаган. Сәнәгать куркынычсызлыгы таләпләрен бозу турында җинаять эше кузгатылган.
Кызыклы яңалыкларны күзәтеп бару өчен Телеграм-каналга язылыгыз