Бигеш аэропортында очышлар вакытлыча чикләнде
Скопировать ссылку
Түбән Кама (Бигеш) аэропортында рейсларны кабул итү һәм җибәрү мөмкинлеген вакытлыча чикләделәр, дип хәбәр итте Росавиация вәкиле Артём Кореняко Телеграм-каналда.
Кореняко ачыклап үткәнчә, бу чара очышларның иминлеген тәэмин итү максатыннан кабул ителгән.
Татарстанда 10:39 сәгатьтән пилотсыз очкычлар һөҗүм итү куркынычы режимы гамәлдә.
Моңа кадәр Татарстан халкы һәм кунаклары файдалана алырлык Wi-Fi иҗтимагый нокталары картасы тәкъдим ителгән иде. Алар ярдәмендә пилотсыз очкычлар һөҗүм итү куркынычы аркасында мобиль интернет эше чикләнсә дә элемтә өзелми. ТР Рәисе Рөстәм Миңнеханов иҗтимагый Wi-Fi ны үстерергә кушты.