Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан Рәисе администрациясе ни өчен республикада төнлә сиреналар яңгыравын аңлатты
Бүген төнлә Татарстанда ике тапкыр ракета һөҗүме куркынычын игълан иттеләр, хәбәр итү системасы эшләде, шуннан соң кешеләр вазгыятьне аңлатуны сорап бик күп мөрәҗәгатьләр җибәрде.
ТР Рәисе матбугат хезмәте җитәкчесе Лилия Галимова хәбәр иткәнчә, Татарстанда һава һөҗүме куркынычы турында хәбәр итүнең комплекслы системасы җайга салынган. Бу куркыныч янаганда татарстанлыларга СМС-хәбәр киләчәк, параллель рәвештә халыкка сиреналар, тавыш көчәйткечләр ярдәмендә, домофоннар һәм телевидение аша хәбәр җиткереләчәк дигәнне аңлата.
ТР Рәисе Рөстәм Миңнеханов барысын да вазгыятьне аңлап кабул итәргә өндәде. Баштарак бу вакытлы уңайсызлыклар тудыруга карамастан, мондый алым куркыныч турында үз вакытында хәбәр итәргә һәм тиешле чаралар күрергә мөмкинлек бирәчәк.
«Татарстан җитәкчелеге, оборона бүлекчәләре белән берлектә, республиканы саклау өчен кирәкле барлык чараларны күрә. Хәбәр җиткерү халыкның тормышын һәм сәламәтлеген саклауда мөһим алым булып тора», - дип искәрттеләр ТР Рәисе матбугат хезмәтендә.
Россия Гадәттән тыш хәлләр министрлыгының ТР буенча Баш идарәсендә белдерүләренчә, гражданнар оборонасының «БАРЫГЫЗГА ДА ИГЪТИБАР!» сигналы - хәзер мөһим мәгълүмат яңгыраячагы турында хәбәр итүче бердәм сигнал. Ул сиреналар, тавыш көчәйткечләр, телерадиотапшырулар яки транспорт һәм башка хәбәр итү чараларының өзек-өзек кычкыртулары ярдәмендә тапшырылырга мөмкин.
Әгәр дә сез сиренаның озакка сузылган сигналларын ишеткәнсез икән, тавыш көчәйткечләр аша сигнал бирүнең сәбәбен аңлатуларын көтегез яки телерадиотапшырулар аша ашыгыч хәбәр тыңлагыз. Анда килеп туган вазгыять, куркынычның характеры, иминлек чаралары һәм гамәлләр тәртибе турында мәгълүмат булачак. Хәбәр берничә тапкыр кабатланырга мөмкин.
Шулай ук смартфонда Гадәттән тыш хәлләрне кисәтү һәм бетерү бердәм дәүләт системасыннан килгән СМСны һәм «Россия Гадәттән тыш хәлләр министрлыгы» мобиль кушымтасының пуш-хәбәрнамәсен тикшерегез.
Инструкцияләр нигезендә эш итегез.
Кызыклы яңалыкларны күзәтеп бару өчен Телеграм-каналга язылыгыз