Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Абу-Дабида Россия, Украина һәм АКШ арасындагы сөйләшүләрнең беренче раунды тәмамланды
Россия, Америка Кушма Штатлары һәм Украина делегацияләре Абу-Дабидагы бүгенге сөйләшүләр раундын тәмамлады. Консультацияләр, 40 минутлык тәнәфесне да кертеп, 4,5 сәгать дәвам итте, дип хәбәр итә ТАСС агентлыгы үз хәбәрчесенә сылтама белән. Делегацияләр таралышты, дип ачыклык кертә РБК үз чыганагына таянып.
Федераль агентлык чыганагы элегрәк билгеләп үткәнчә, Россия һәм Украина делегацияләре рус телендә аралашкан. Беренче төркемне - РФ Президенты Владимир Путинның ярдәмчесе Владимир Мединский, икенчесен – Тышкы разведка хезмәте җитәкчесе Рөстәм Умеров (элеккеге саклану министры) җитәкли.
Россия делегациясе составына, Мединскийдан тыш, РФ тышкы эшләр министры урынбасарлары Сергей Рябков һәм Михаил Галузин, РФ Кораллы көчләре Баш штабының Баш идарәсе (элеккеге Баш разведка идарәсе) башлыгы Игорь Костюков һәм Баш штабның Баш оператив идарәсе башлыгы урынбасары Юрий Жигарловский керә.
Үз чиратында, Украина төркеме, Умеровтан тыш, Украина Президенты Офисы башлыгы Кирилл Будановны* (Россиядә террорчылар һәм экстремистлар исемлегенә кертелгән), аның беренче урынбасары Сергей Кислицаны, Югары Рададагы «Слуга народа» партиясе фракциясе җитәкчесе Давид Арахамияне һәм хәрби җитәкчелек вәкилләрен үз эченә ала.
Сөйләшүләрдә Америка Кушма Штатларын АКШ Президентының махсус илчесе Стив Уиткофф, Дональд Трампның кияве – эшкуар Джаред Кушнер һәм АКШ Кораллы Көчләренең Европа командованиесе командующие, НАТОның Европадагы Берләштерелгән кораллы көчләре баш командующие генерал Алексус Гринкевич тәкъдим итә.
*Россиядә террорчылар һәм экстремистлар исемлегенә кертелгән.
Яңалыкларны күзәтеп бару өчен Макс-каналга язылыгыз